მზიური გარდენსი

მზიური გარდენსი ბათუმი ახალი, უნიკალური პროექტია კურორტ მახინჯაურში, რომლის მშენებლობაც ზღვიდან სულ რამდენიმე მეტრში, ყოფილი სანატორიუმის ტერიტორიაზე მიმდინარეობს. მახინჯაურის ტერიტორია ჰიფსომეტრიულად ზღვის დონიდან 15-100 მეტრზეა განლაგებული. აქ არსებული მიკროკლიმატი და სუბთერმული მინერალური წყალი ადგილობრივი მოსახლეობის მიერ ჯერ კიდევ XX საუკუნის დასაწყისში სხვადასხვა დაავადების სამკურნალოდ გამოიყენებოდა. მდებარეობა: შავი ზღვის სანაპიროს ვიწრო ზოლი, ქ. ბათუმიდან ჩრდილო-დასავლეთით 6 კმ-ის მანძილზე. სიმაღლე ზღვის დონიდან: 15-100 მ. მულტიფუნქციური კომპლექსის ტერიტორია 15 000 კვ.მ-ზე იქნება გაშენებული, საიდანაც უდიდესი ნაწილი უშუალოდ რეკრეაციულ ზონასა და გამწვანებას დაეთმობა. კომპლექსის რეზიდენტებს ექსკლუზიური წვდომა ექნებათ 5-ვარსკვლავიანი სასტუმრო CROWNE PLAZA-ს ინფრასტრუქტურასა და სერვისებზე. პროექტი მოიცავს ორ 15-სართულიან და ერთ 17-სართულიან შენობას, რომელთაგან ერთ-ერთში განთავსებული იქნება 5-ვარსკვლავიანი სასტუმრო „CROWNE PLAZA“. პროექტის მომზადების პროცესში მაქსიმალურად იქნა გათვალისწინებული ადგილობრივი ლანდშაფტის თავისებურებები და აქცენტი გაკეთდა მის შენარჩუნებაზე. აღსანიშნავია, რომ მზიური გარდენსში შენობის ყველა სართული და მთლიანი სივრცე სრულად ადაპტირებული იქნება. გამორჩეული ლოკაციის წყალობით, მზიური გარდენსის მულტიფუნქციური საცხოვრებლის ყველა ფანჯრიდან ზღვის ულამაზესი პანორამული ხედები იშლება, რომელთა ხილვასაც არაფერი უშლის ხელს. არანაკლებ სასიამოვნო და მიმზიდველი ხედები იშლება მთის მხარესაც.