გალილეო ბათუმი

პროექტ „გალილეო ბათუმის“ შესახებ „კალატოზი“ მიზნად ისახავს, შექმნას მაქსიმალურად კომფორტული გარემო თითოეული ადამიანისთვის ინდივიდუალურად. გადავწყვიტეთ, რომ ჩვენი პირველი პროექტი ბათუმში განხორციელებულიყო, რათა ქვეყნის ყველაზე ტურისტულ ქალაქში შეგვექმნა სრულფასოვანი და მაღალგანვითარებული საცხოვრებელი კომპლექსი. მრავალფუნქციური საცხოვრებელი კომპლექსი „გალილეო ბათუმი“ ზღვის სანაპიროდან 520 მეტრით არის დაშორებული. ის შედგება „ა“ და „ბ“ კორპუსებისგან, რომლებსაც ზღვის, ქალაქისა და მთის ხედები ექნება. პირველ სამ სართულზე განთავსებული იქნება სხვადასხვა დანიშნულების კომერციული ობიექტები და საოფისე ფართები. კერძოდ: ბანკი, აფთიაქი, რესტორანი ქართული სამზარეულოთი, სწრაფი კვების ობიექტები – „Wendy's“ და „Dunkin Donuts“, „სმარტის“ ქსელის სუპერმარკეტი... ტერასაზე, რომლის საერთო ფართობიც 1,700 კვადრატული მეტრია, განთავსდება დასასვენებელი კომპლექსი, რომელიც მოიცავს ღია საცურაო აუზს, ჯაკუზის, დახურულ საბავშვო საცურაო აუზს, ფიტნეს და სპა-სალონებს, კაფე-რესტორანს ზღვაზე გაშლილი ხედით. საცხოვრებელი კორპუსის გვერდით აშენდება რვასართულიანი სამედიცინო-გამაჯანსაღებელი ცენტრი, რომელშიც განთავსდება სტომატოლოგიური კლინიკა, გამაჯანსაღებელი პროცედურებისა და მასაჟის სალონები, ესთეტიკური ქირურგიის კლინიკა და სხვ. კომპლექსის უკანა ტერიტორიაზე განთავსებული იქნება 300 ავტომობილზე გათვლილი ოთხსართულიანი ავტოსადგომი. გარდა ამისა, ეზოსა და მინუს 1 სართულზე გამოყოფილი იქნება ადგილი 60 ერთეული ავტოსადგომისთვის. შეიქმნება კომპლექსის მართვის სერვისი, რომელიც უზრუნველყოფს კომპლექსის უსაფრთხოებას, სისუფთავეს, მობინადრეთა და სტუმართა სიმშვიდეს, ასევე მათ სრულ ინფორმირებულობას კომპლექსთან დაკავშირებულ ნებისმიერ საკითხზე. სერვისი მოიცავს კონსიერჟის მომსახურებასა და 24-საათიან ვიდეომონიტორინგს. გარდა ამისა, შეიქმნება ცალკე სტრუქტურა, რომელიც მესაკუთრეთა სურვილის შემთხვევაში უზრუნველყოფს ბინების გაქირავებას და ამასთან დაკავშირებული პროცესების მართვასა და კონტროლს, ასევე დაგეგმავს ტურისტულ ღონისძიებებს პროფესიონალი გიდების თანხლებით. კომპანია „კალატოზის“ ძირითადი მამოძრავებელი ძალა არის ტრადიციული ქართული სტუმართმოყვარეობითა და ბათუმური თავაზიანობით გამთბარი, მაქსიმალურად კომფორტული გარემოს შექმნა მობინადრეებისა და სტუმრებისთვის. ჩვენ ვაშენებთ. ჩვენ აქ ვიცხოვრებთ. ჩვენ უნდა ვმართოთ ჩვენი ცხოვრება.