ბათუმი პლაზა

მრავალფუნქციური კომპლექსი „ბათუმი პლაზა“ მდებარეობს ქალაქ ბათუმის ცენტრში, ჭავჭავაძის ქუჩაზე. კომპლექსის მშენებლობა დასრულდა 2011 წელს. ის შედგება ა და ბ ბლოკებისაგან. ა ბლოკი 14-სართულიანია, ხოლო ბ ბლოკი – 16-სართულიანი. კომპლექსი ასევე მოიცავს 6-სართულიან სავაჭრო და ბიზნეს ცენტრს, სადაც განთავსებულია სხვადასხვა დანიშნულების კომერციული და სავაჭრო ობიექტები, ტექნიკის მაღაზიები, ოქროსა და ვერცხლის სავაჭრო ცენტრი, საოფისე ფართები, სასტუმრო, ყველაზე დიდი თანამედროვე სტანდარტების საცურაო აუზი, ფიტნესცენტრი, საუნა, კაზინო და სლოტკლუბები. კორპუსს აქვს მიწისქვეშა ავტოსადგომი. კომპლექსის პირველი 5 სართული კომერციული ფართებითაა დატვირთული, ხოლო საცხოვრებელი აპარტამენტები იწყება მე-6 სართულიდან. კორპუსს ჰყავს მმართველი კომპანია, ყოველთვიური გადასახადი შეადგენს 30 ლარს, რაშიც შედის დასუფთავება, სადარბაზოების განათება და ლიფტის გამართული მუშაობა. აპარტამენტებიდან იშლება ულამაზესი ხედები ზღვაზე, მთებსა და ქალაქზე. მშენებლისგან ყველა ბინა გაყიდულია და გასაყიდად გვხვდება ბინები მხოლოდ მეპატრონეებისგან. კომპლექსის მიმდებარედ ასევე განთავსებულია რესტორნები, კაფეები, სასტუმროები და ბათუმის საბაგირო გზა. აეროპორტიდან 6 კმ. რკინიგზის სადგურიდან 3 კმ. ავტოსადგურიდან 1,5 კმ.