House with McDonald

საცხოვრებელი კომპლექსი ბათუმში, ე.წ. „სახლი მაკდონალდსთან“, მდებარეობს ქალაქის წყნარ ადგილას, ტრასიდან არანაკლებ 100 მეტრით მოშორებით. ზღვის სანაპირო დაახლოებით 300 მეტრის მოშორებითაა. კომპლექსის წინ მდებარეობს სწრაფი კვების ობიექტი „McDonald’s“, რის გამოც სახლს ეს დასახელება აქვს. კომპლექსთან ახლოს მდებარეობს ბათუმის ცნობილი მოცეკვავე შადრევნები, რამდენიმე კაფე, სხვადასხვა სახის მაღაზია, სუპერმარკეტი, აფთიაქი, სამედიცინო დაწესებულება და ბანკი. ხუთასიოდე მეტრის მოშორებით მდებარეობს საზღვაო სასწავლებელი, ხოლო დელფინარიუმამდე მისასვლელად ფეხით საჭიროა 7-8 წუთი. კომპლექსი მოიცავს ორ მრავალსართულიან და მრავალბინიან კორპუსს (22 და 23 სართული), რომლებიც აშენებულია თანამედროვე ტექნოლოგიებითა და უმაღლესი ხარისხის სამშენებლო მასალების გამოყენებით, რაც უსაფრთხოებისა და სეისმომდგრადობის უპირობო გარანტიას იძლევა. ფასადი გათვლილია ენერგიის მაქსიმალურ დაზოგვაზე, რაც მოსახლეობას უმცირებს ხარჯებს გათბობასა და კომუნალურ გადასახადებზე. ასევე ფასადზე გამოყენებულია ნესტისგან დამცავი შრე. სადარბაზოები მოპირკეთებულია ბუნებრივი მარმარილოს ქვით. დამონტაჟებულია გერმანული ფირმა „Loher“-ის უსაფრთხო ლიფტები. სახლის ქვედა სართულები (2800 კვ.მ) დათმობილია საოფისე და კომერციული ფართებისთვის. კომპლექსს აქვს პარკინგის ზონა და მოსასვენებელი სივრცეები. შესრულებულია გამწვანებისა და განათების სამუშაოები.