6-საძინებლიანი სახლი გონიოში ზღვასთან

უძრავი ქონება მდებარეობს აჭარის რეგიონში, გონიოს დასახლებაში, რომელიც საქართველოში პრესტიჟული ზღვისპირა კურორტია. გონიოს დასახლება ქ. ბათუმიდან 12 კმ-ით არის დაშორებული, რაც დასვენებისთვის მყუდრო გარემოს ქმნის. ქ. ბათუმთან და სხვა ზღვისპირა ქალაქებთან შედარებით, გონიოში არის სუფთა ზღვა, ჰაერი და სანაპირო, რომლის მთელ სიგრძეზე მოწყობილია ბულვარი სრული ინფრასტრუქტურით. მიწის ნაკვეთის ფართი შეადგენს 276 კვ.მ-ს, რომელზეც განთავსებულია ორსართულიანი საცხოვრებელი სახლი, ფართით 227,20 კვ.მ. საცხოვრებელი სახლი ზღვიდან დაშორებულია 5 წუთის სავალზე (500 მ) და განთავსებულია მთის ძირას, რომელიც გამწვანებულია ტროპიკული ხე-მცენარეებით, რაც ზაფხულის პერიოდში ქმნის გრილ და მყუდრო გარემოს (სხვა ტერიტორიებთან შედარებით ნაკლებად ნესტიანია). სახლს გააჩნია საავტომობილო, მოასფალტებული კავშირი ცენტრალურ გზასთან და მის მახლობლად არის ყველა საჭირო კომერციული ობიექტი (აფთიაქი, მაღაზია, ბენზინგასამართი სადგური და ა.შ.). სახლში განთავსებულია 6 საძინებელი (მინიმალური 18 კვ.მ - მაქსიმალური 25 კვ.მ), 3 აბაზანა, მისაღები (27 კვ.მ) და სამზარეულო (17 კვ.მ). კერძოდ, მეორე სართულზე მდებარეობს 4 საძინებელი, რომლებსაც გააჩნიათ 2 აბაზანა (ორ ოთახს ერთი აბაზანა), აივანი და ვერანდა. პირველ სართულზე მდებარეობს 2 საძინებელი, მისაღები და სამზარეულო, რომლებსაც გააჩნიათ დიდი ტერასა (18 კვ.მ), რომელიც გადის ეზოში. სახლი სრულყოფილად აღჭურვილია ტექნიკითა და ავეჯით, ხოლო ყველა ოთახში (გარდა პირველ სართულზე არსებული ორი საძინებლისა) მოწყობილია კონდიციონერები (გათბობისა და გაგრილებისთვის). ასევე, მასში მოწყობილია ყველა კომუნიკაცია (გაზი, წყალი და დენი). სახლის წინა მხარეს მდებარეობს ავტომობილების გასაჩერებელი პარკინგები და შიდა ეზო, რომელიც სრულყოფილად კეთილმოწყობილია და გამწვანებულია მწვანე ნარგავებით (ხეებითა და ყვავილებით). მიწის ნაკვეთი შემოსაზღვრულია კაპიტალური ღობით და გააჩნია ლითონის ჭიშკარი.